Bei den Haapt-Contenu sprangen
Fallstudie

Suchtberodung Online

ux-design, web-design, entwécklung

D’Erausfuerderung

„Kompetent Hëllef ëmmer an iwwerall“ war de Motto vun engem fortschrëttlechen an eenzegaartege Wee Richtung digital an interaktiv Berodung fir Ofhängeger an hir Léifsten. Et ass dëst eng modern Erweiderung fir déi stationär an ambulant Suchtberodungs-Servicer zu Lëtzebuerg.

De Projet

D’Resultat, dat a verschiddene Versammlungen tëscht dem Client a Lightbulb verfeinert gouf, ass eng Plattform déi d’Hemmschwell erofsetzt, fir Hëllef bei enger Sucht ze sichen, an déi dësen éischte Kontakt digitaliséiert an anonymiséiert.

 

Ëmfank vun der Aarbecht

  • UX-Design

    • Interaktiv an intuitiv Plattform an Applikatioun.
  • Web-Design

    • Personaliséiert Applikatioun a Websäit mat individuellen an uspriechenden Icons an Illustratiounen.
  • Entwécklung

    • Entwécklung vun enger Applikatioun fir mobil Apparater, an eng Websäit déi di nämmlecht Funktionalitéiten op all Desktop-Computer oder Browser ubitt.

Alles Wichteges op ee Bléck

An der Suchtberodung ass Digitaliséierung e wichtegen Atout fir d’Kommunikatioun ze vereinfachen. D’SBO-App ass eng vollstänneg Berodungsplattform, déi anonym ka benotzt ginn – duerch Konsumenten wéi och duerch virwëtzeg Persounen. All registréierte Benotzer kann en digitaalt Tagebuch féieren, d’Analys vu sengem Gebrauch gesinn, e Selbsttest maachen oder weider Informatiounen iwwer Sucht, Präventioun vu Sucht oder spezifesche Substanze kréien.

Faarwen a Logo

De Logo, dee vu Lightbulb designt ass, steet fir alles, wat de Konsument brauch: De Rettungsrank, deen d’Leit opfänkt, an d‘Sproochblos, déi motivéiert fir ze schwätzen, beroden ze ginn oder sech z’informéieren.

Mir hunn Orange als Haaptfaarf fir d’App gewielt, mat Zousaz vu rout a giel mat engem waarmen a berouegenden Toun, wat e calmt Ëmfeld fir professionell Berodung bitt.

Selbsttest

Speziell konzipéiert Selbsttester, déi vu jidderengem ouni Umeldung kënne benotzt ginn. Dëst ass eng webbaséiert App, déi direkt Feedback gëtt, baséiert op ënnerschiddleche Critèren zu Konsumgewunnechten a spezifesche Substanzen.

D‘Tagebuch

D‘Tagebuch ass e vertrauenswierdege Begleeder fir de Benotzer, dee seng Konsumgewunnechten einfach dokumentéiere kann. Dëst Tagebuch kann och mat engem Beroder gedeelt an diskutéiert ginn, wann e Benotzer dat wëll.

Formulairen

Formulaire bidden eng strukturéiert Ënnerstëtzung beim Analyséiere vun de Konsumgewunnechten. Si kënne séier ofgeschloss ginn, fir dem Benotzer en allgemengen Iwwerbléck ze ginn.

Evolutioun

Déi integréiert Evolutiounsanalys bitt e gutt strukturéierten Iwwerbléck iwwer d’Konsumgewunnechten.

Berodung

D’Applikatioun bitt anonym Berodung bei där e Benotzer an engem modernen Chat-Ëmfeld mat engem Expert a Kontakt triede kann. Déi eenzel Funktioune kënne kombinéiert ginn, sou datt et méiglech ass, e Selbsttest un e Beroder ze schécken.

Websäit

D‘Berodungsinstrument gouf als App fir mobil Apparater entwéckelt. Eng Websäit bitt och déi selwecht Funktionalitéit op all Desktop-Computer oder Browser, mat zousätzlechen Erklärungen a Presentatioune vun de Partner. De Fokus bleift awer beim Erofluede vun der App aus dem App Store oder Google Play Store.

Back

Nächste Projet

Restena